YƏMƏN OLAYLARI

YƏMƏN OLAYLARI (1968)

Yəmənin hava hücumundan müdafiə qüvvələri Səədə məntəqəsinin səmasında təcavüzkar səudiyyə və əmirliklərin bir ədəd casusluq təyyarəsini vurublar.

Hərbi mənbələr bildiriblər ki, bu casusluq təyyarəsi təcavüzkar fəaliyyətlər zamanı hədəfə alınıbdır.

Yəmənin hava hücumundan müdafiə qüvvələri fevral ayında da bu məntəqədə bir ədəd casusluq təyyarəsini vurmuşdular.

Həmçinin Yəmənin ordu və xalq qüvvələri İbb və Zalə əyalətləri arasında Mənsur Hadi qüvvələrinin bir neçə bazasını ələ keçiriblər.

Yəmən cəbhələrindən bir neçəsinə bir növ durğunluq hakim kəsilib və təcavüzkar səud koalisiyasının qüvvələri bir sıra cəbhələrdən geri çəkilməkdədirlər.

Yəmən Ali İnqilab Komitəsinin sədri deyib ki, Yəmənə təcavüz edən ölkələr heç bir qayda-qanuna əməl etmirlər.

Muhəmməd Əli Əlhusi dünən deyib: Döyüş qaydaları sübut edibdir ki, təcavüzkar ölkələr Yəmən savaşı gedişində müharibələrdə nəzərdə tutulan mexanizm və qaydalara heç bir dəyər vermirlər.

Yəmən Ali İnqilab Komitəsinin sədri xatırladıb: Fransa səud rejiminə silah satışının davam etməsini müdafiə edir.

Yəmən Ali İnqilab Komitəsinin sədri söyləyib: Qanun Yəmən kimi savaşlarda hücum və ya qeyri-hücum mahiyyətli olmasından asılı olmayaraq, silah satışına icazə vermir.

Ərəbistan ABŞ-ın, əmirliklərin və bir neçə digər ölkənin himayəsilə 2015-ci ilin martında Yəmənə hərbi təcavüz edərək, bu ölkəni quru, dəniz və havadan mühasirəyə alıbdır.

Ərəbistan ilə müttəfiqlərinin militarizmi indiyədək on altı mindən çox yəmənlinin həyatını itirməsi, on minlərlə nəfərin yaralanması və milyonlarla yəmənlinin didərgin düşməsilə nəticələnibdir.

Yəmən ordusu və xalq komitələri qüvvələri səud təcavüzkarlarının bu ölkənin şimalında yerləşən Cuf əyalətinin "Xub vı Əlşəəf" məntəqəsinə qarşı hücumunu dəf ediblər.

Bu əməliyyatda bir qrup səud muzduru ölüb və ya yaralanıbdır.

Yəmənli qüvvələr səud muzdurlarının "Xub və Əlşəəf" rayonundakı Əlməhru yüksəkliklərində və Təvasinə məntəqəsində yerləşən mövqelərinə hücum edərək, onları ağır xəsarətlər və tələfata düçar ediblər.

Həmçinin Yəmən ordusu və xalq komitələri qüvvələrinin səud muzdurlarının Ərəbistanın cənubunda yerləşən Cizan şəhərinin Əlxubə məntəqəsinin şərqindəki mövqelərinə qarşı hücumunda üç sudanlı daxil olmaqla çoxlu sayda səud muzduru məhv edilib.

Yəmən ordusu və xalq komitələrinin müdafiə qüdrəti bu ölkənin səud rejimi tərəfindən hərtərəfli şəkildə mühasirə edilməsinə rəğmən, günü-gündən artmaqdadır.

Ərəbistan ABŞ-ın, əmirliklərin və bir neçə digər ölkənin himayəsilə 2015-ci ilin martında Yəmənə hərbi təcavüz edərək, bu ölkəni quru, dəniz və havadan mühasirəyə alıbdır.

Ərəbistan ilə müttəfiqlərinin militarizmi indiyədək on altı mindən çox yəmənlinin həyatını itirməsi, on minlərlə nəfərin yaralanması və milyonlarla yəmənlinin didərgin düşməsilə nəticələnibdir.

Yəmən Silahlı Qüvvələrinin sözçüsü bu ölkə istehsalı olan "Bədr.F" tipli yeni və modern raketin təqdimatından xəbər verib.

Yəmən Silahlı Qüvvələrinin sözçüsü Yəhya Səri bildirib ki, "Bədr.F" raketindən bir neçə əməliyyatda uğurla istifadə olunub. O, əlavə edib: Yəmənin raket bölməsi bu gü keçmişdəkindən daha güclüdür.

Yəmənin raket bölməsi 2018-ci ilin noyabrında da "Bədr 1P" raketini təqdim etmişdi.

Digər bir xəbərə görə, Yəmənin Ənsarullah hərəkatının sözçüsü Muhəmməd Əbdussəlam deyib ki, BMT-nin Yəmən məsələləri üzrə xüsusi nümayəndəsi Martin Qriffits tərəfsizlik prinsipinə riayət etmir.

O, əlavə edib: Qriffits BMT tribunasından İngiltərənin mövqelərini bəyan etmək üçün istifadə edir və bu ölkə Amerikanın iştirakı ilə anti-Yəmən savaşını uzatmaq istiqamətində fəaliyyət göstərir.

Ərəbistan ABŞ-ın, əmirliklərin və bir neçə digər ölkənin himayəsilə 2015-ci ilin martında Yəmənə hərbi təcavüz edərək, bu ölkəni quru, dəniz və havadan mühasirəyə alıbdır.

Səud rejimi və onun müttəfiqləri dörd il Yəmənin infrastrukturlarını məhv və minlərlə mülkini qırğın etdikdən sonra bu ölkə xalqının müqavimətinə görə, öz məqsədlərinə çata bilməyiblər.

Çərşənbə axşamı, 16 Aprel 2019 20:36

Yəmən ordusu qorxulu silahını təqdim etdi

Yəmən Silahlı Qüvvələrinin sözçüsü general-mayor Yəhya Sərii bu gün (16 aprel) müharibə meydanında Səudiyyə rejiminə qarşı yeni bir silah istifadə ediləcəyini bildirib.

“ Əl-Məsirə” xəbər verir ki, general-mayor Yəhya Sərii Twitter ilə verdiyi açıqlamasında, bu silahın müvəffəqiyyətlə sınaqdan keçirildiyini bildirib. O, yeni silahın bir neçə əməliyyatda istifadə edildiyini, səs ilə görüntü qeydlərinin arxivlərində olduğunu bildirib.

 Daha sonra, Ənsarullah paylaşdığı bir videoda Bədr seriyasından olan Bədr-F ballistik raketinin bir neçə əməliyyatdakı uğurlarını göstərib.

 160 km məsafədə hədəfi dəqiq vura bilən Bədr-F ballistik raketinin 20 metr hündürlükdə partladığı, 14 000 qəlpəsinin də 350 metr radiusundakı obyektləri məhv edə bildiyi bildirilib.

Yəməndə müharibə ilə bağlı imzalanan atəşkəs sazişindən sonra, ölkədəki son vəziyyət BMT Təhlükəsizlik Şurasında müzakirə olunub.

“Parstoday”   xəbər verir ki, yüksək vəzifəli BMT rəsmiləri Şura üzvlərinə atəşkəsdən sonra Yəməndə baş verənlər və son hadisələrlə bağlı məlumat verib.

 BMT-nin Yəmən üzrə xüsusi nümayəndəsi Martin Qriffits, Hudeyda limanının daxilində və ətrafındakı cəbhə bölgələrində qarşılıqlı silahlı qüvvələrin geri çəkilməsi məsələsində razılığın əldə olunduğunu bildirib. Qriffits bütün bu müsbət inkişaflara baxmayaraq, münaqişələrin bəzi yerlərdə isə intensiv şəkildə hələ də davam etdiyini qeyd edib.

 Qriffits geri çəkilmə prosesinin tərəflərin qəbul etməsinin gözləniləndən daha uzun çəkdiyini bildirərək, belə deyib: “Nəhayət baş verməsi də son dərəcə məmnunedicidir. Gəldiyimiz bu nöqtədə keçən ilin dekabr ayında İsveçdə imzalanan atəşkəs sazişindən sonra tərəflər BMT-nin atəşkəs planını qəbul etdilər. Tərəflərin Hudeyda limanı ətrafındakı qüvvələrini könüllü çəkmək qərarı müsbət bir prosesdir”.

 BMT rəsmisi yəmənlilərin vəziyyətinin keçən ilə nisbətlə daha da pis olduğunu bildirib.

 Bu arada, BMT-nin humanitar yardım koordinatoru Mark Loukuk isə çıxışında, yəmənlilərin həyatlarının xilas olması üçün beynəlxalq cəmiyyətin işə qarışmalı olduğunu qeyd edib. O, Səudiyyə rejimi və tərəfdaşlarının Yəməndə dinc sakinlərlə yanaşı xəstəxana, məktəb və oxşar yerlərə hücumlarından narahat olduğunu deyib.

Yəmənin Milli Qurtuluş hökumətinin baş naziri BMT-nin humanitar yardımlar üzrə kordinatoru ilə görüşdə Səudiyyə Ərəbistanı və başçılıq etdiyi koalisiya qüvvələrinin Yəmənə neft məhsullarının gətirilməsinə mane olmasına dair xəbərdarlıq etdi.

Səba informasiya portalının bildirdiyinə görə, Saleh bin Həbtur BMT-nin humanitar yardımlar üzrə kordinatoru Lizzie Qrande ilə görüşdə dedi: Bu gün Yəmən limanlarına daxil olan neft məhsullarının həcmi 2015-ci ildəki ilə müqayisədə sadəcə 30% təşkil edir.

Yəmənin Milli Qurtuluş hökumətinin neft naziri Əhməd Dars da təcavüzkar koalisiyanın Yəmənin neft tankerlərini Cibutidə durdurmasından xəbər verib.

Minlərlə sudanlı cümə günü axşam paytaxt Xartumda ordunun baş qərargahı önündə bir araya gələrək, müvəqqəti hərbi şuranın qərarlarına qarşıolduğunu elan etdi.

Əl-Məyadin informasiya kanalının bildirdiyinə görə, Sudanda müvəqqəti hərbi şuranın təşkil edilməsindən cəmi bir gün sonra bu şuranın sədri Əvəz bin Əvf öz vəzifəsindən istefa verdi və Sudan ordusunun baş yoxlama idarəsinin rəisi Əbdülfəttah Bürhan Əbdürrəhman onun yerini tutdu. Əbdülfəttah Bürhan Əbdürrəhman Birləşmiş Ərəb Əmirliklərinə yaxın adam hesab olunur. O, Sudan ordusunun baş yoxlama idarəsinin rəisi olmaqla yanaşı, Yəmən savaşında iştirak edən sudanlı qüvvələrin də komandanıdır. 

Bəzi mənbələrin dediklərinə görə Sudan prezidenti Ömər Əlbəşirin həbsinə dair qərarın müəllifi olan Əbdülfəttah Bürhan Əbdürrəhman müvəqqəti hərbi şuranın yeni sədri kimi and içdi. 

Bu şuranın öncəki sədri və Sudanın müdafiə naziri Məhəmməd Əvəz bin Əvf öz vəzifəsindən istefa verdikdən sonra, Əbdürrəhman onun canişini təyin edildi. Bin Əvf həmçinin general Kamal Əbdülmərufu da müvəqqəti hərbi şuradakı sədr müavini vəzifəsindən azad edib. 

Məhəmməd Əvəz bin Əvfin istefa verməsi xəbərinin ardınca, Sudan əhalisi paytaxt Xartumda və digər şəhərlərdə küçələrə axışaraq, şadlıq etməyə başlayıb. 

Buna baxmayaraq, Sudan polisi ötən iki gündə paytaxt Xartumda çıxan toqquşmalarda 16 nəfərin öldüyünü bildirib. 

Etiraz aksiyası komitəsi isə Sudan hökumətində heç bir dəyişikliyin baş vermədiyini bildirərək, baş verənlərin bir oyun olduğunu deyir. 

Sudanın sindikatlar birliyi də bir bəyanat yayaraq, hakimiyyətin sürətlə sivil hökumətə ötürülməsini istəyib. 

Sudanın sindikatlar birliyinin bəyanatında deyilir: müvəqqəti hərbi şura öncəki rejimin uzantısı hesab olunur və alternativ sayılmır. 

Bu birlik azadlıq, dəyişiklik, sülh və ədaləti Sudan xalqının başlıca tələbləri adlandırıb. 

Cümə, 12 Aprel 2019 20:24

Vəba Yəməndə can almaqda davam edir

Yəmənin Həccə vilayətinin ümumi səhiyyə idarəsinin müdiri bu vilayətdə 15 mindən çox insanın vəbaya yoluxduğunu və indiyə kimi 25 nəfərin bu xəstəlikdən həyatını itirdiyini bildirdi.

İRNA-nın məlumatına görə, İbrahim Əl-Əşul deyir: Həccə vilayətinin səhiyyə sistemi vəbaya yoluxmuş xəstələri müalicə etmək üçün kifayət qədər imkanlara malik deyil və dərman qıtlığı bu məsələni xeyli çətinləşdirir. 

Əl-Əşul vəba xəstəliyinin yayılmasını önləmək üçün beynəlxalq təşkilatların yardım etməsini istəyərək, bu xəstəliyə yoluxmuş insanların müalicə olunması üçün lazımi dərman preparatları və təchizatların artırılmasını istəyib. 

BMT-nin Yəməndəki humanitar məsələlər üzrə kordinatoru Liza Grənd son zamanlar deyib: Yəmən dünyanın ən pis humanitar böhranına düçar olub. Ölkə əhalisinin 80%-i yəni 24 milyon insan ən azı bir kateqoriya üzrə humanitar yardıma ehtiyaclıdır. 

Səudiyyə Ərəbistanı və başçılıq etdiyi təcavüzkar koalisiyanın tabeliyində olan qüvvələr cümə axşamı bir daha atəşkəs anlaşmasını pozaraq, Yəmənin qərbində yerləşən Əl-Hüdəydə şəhərini 3 ədəd raket ilə hədəfə alıblar. Atılan raketlər Əl-Hüdəydə şəhərinin 16-cı kilometr məntəqəsinə düşüb.

İRİB-nin bildirdiyinə görə, bu raket hücumu çoxlu sayda mülkinin ölməsinə səbəb olub. 

İsveçdə Əl-Hüdəydə şəhərində atəşkəsin elan edilməsinə dair əldə olunmuş anlaşma 18 dekabr 2018-ci il tarixində qüvvəyə minsə də Səudiyyə koalisiyası intensiv şəkildə onu pozur. 

Əl-Hüdəydə liman şəhəri Yəmənə humanitar yardımların göndərilməsi üçün başlıca giriş nöqtəsi sayılır. 

Yəmən sülh müzakirələrinin 6-cı dövrü BMT baş katibinin xüsusi nümayəndəsi Martin Qrifitin sədrliyi habelə, Səna və Ər-Riyaddan gəlmiş nümayəndə heyətlərinin iştirakı ilə 6 dekabrda İsveçin Stokholm şəhərində start götürdü. bir həftə davam edən müzakirələrin sonunda 13 dekabrda Əl-Hüdəydə şəhərində atəşkəsin bərqərar edilməsinə dair anlaşma əldə olundu. 

İndiyə kimi Yəməndə savaşın sonlandırılmasına dair dəfələrlə cəhd edilsə də Ərəbistan və müttəfiqləri buna imkan vermirlər. 

Page 1 of 141