İraq Kürd Muxtariyyətində təşkil ediləcək referendum Türkiyə üçün milli təhlükəsizlik məsələsidir.

Virtualaz.org TASS-a istinadən bildirir ki, bunu Türkiyənin baş naziri Binəli Yıldırım deyib.

“Bu məsələ ilə bağlı istənilən addımları atacağıq və buna heç kimin şübhəsi olmasın”, - baş nazir bildirib.

Qeyd edək ki, prezident Rəcəb Tayyib Ərdoğan A Haber telekanalına verdiyi müsahibəsində 22 sentyabrda Türkiyənin plebisitə cavab olaraq hazırladığı tədbirləri elan edəcəklərini bildirmişdi.

Onu da xatırladaq ki, İraqdakı kürd muxtariyyətinin rəhbərliyi sentyabrın 25-də müstəqillik üzrə referendum keçirməyə hazırlaşır.

Rəsmi Bağdad və qonşu ölkələr buna kəskin etirazlarını bildirsələr də, muxtariyyətinin rəhbərliyi referendumun mütləq keçiriləcəyini bəyan edib. (musavat.com)

İraq prezidenti bir bəyanat yayaraq, İraqın mərkəzi hökuməti ilə İraq Kürdüstanı yerli hakimiyyəti arasında Kürdüstan məntəqəsinin müstəqilliyi ilə bağlı referendumun keçirilməsi məsələsini həll etmək üçün danışıqların aparılmasını istəyib.

İraqın Süməriyə Nyus informasiya portalının verdiyi məlumata görə, Fuad Məsum öz bəyanatında bildirib: Ümumi məsləhəti nəzərə alaraq, müzakirə aparılmasını təklif etmək qərarına gəldik. Bunu nəzərə alaraq, İraq və Kürdüstan məntəqəsinin siyasi liderlərini hər iki tərəfin məqsədlərinin təmin edilməsi və yanlışlıqların aradan qaldırılması məqsədi ilə hazırkı böhranın həll edilməsi istiqamətində təcili müzakirələrin təşkil edilməsinə dəvət edirik. 

İraqın baş naziri Heydər Əl-İbadi şənbə günü Kürdüstan başçılarının bu məntəqənin İraqdan ayrılması üzrə referendumun keçirilməsinə təkid etmələrinə reaksiya olaraq deyib: Əgər referendum qarşıdurmalara və gərginliyə səbəb olarsa, hərbi müdaxiləyə hazırıq. 

İraq Kürdüstanı yerli və xarici müxaliflətlərə rəğmən 25 sentyabrda müstəqillik üçün referendum keçirmək qərarına gəlib. 

İraq ordusu və xalq səfərbər qüvvələri əl-Anbar vilayətinin qərbində Əkaşatı İŞİD terror qruplaşmasının işğalından azad ediblər.

İRİB-in məlumatına görə, İraq ordusu bir bəyanat verərək bildirib: İraqın müştərək qüvvələri şənbə günü İŞİD terrorçularını bu ölkənin Suriya ilə sərhədində Əkaşatdan tam şəkildə qovublar.

Bu arada İraqın Həşdüş-Şəəbi komandanlığının Müharibə Təbliğatı Qərargahı bir bəyanatda bildirib: Əkaşatın azad olunması əməliyyatında proqnoz olunan bütün məqsədlər qısa müddət ərzində gerçəkləşdi.

Əkaşatın azad olunması üzrə əməliyyat şənbə günü səhər başlamış və İraq müştərək qüvvələri çox tez bir zamanda İŞİD terrorçularını məğlub etmişlər.

Bu əməliyyatda İraq ordusunun birinci, səkkizinci və onuncu diviziyası, taktiki batalyonları, xüsusilə də əl-Anbar vilayəti polisi, Həşdüş-Şəəbi qüvvələri və əl-Anbar vilayəti köçəriləri iştirak edib.

Əkaşat şəhəri 2014-cü ildə İŞİD terror qruplaşması tərəfindən işğal olunmuşdu.

İraqın Ənbar vilayətindəki Aşaqat rayonunun İŞİD-dən azad edilməsi əməliyyatına səhər saatlarında start verilib.Mehr

İraqın təhlükəsizlik qüvvələrinə bağlı bir hərbi mənbə bu gün başladılan Aşakatın İŞİD-dən azad edilməsi əməliyyatının bir neçə cəbhədə davam edəcəyini bildirib.

Adını anonim saxlayan yüksək vəzifəli hərbi mənbə bu əməliyyata Ənbardakı hökumət ordusu ittifaqlarının 1-ci, 8-ci və 10-cu briqadaları ilə birlikdə xüsusi birliklərin də tərəfdaşlıq etdiyini açıqlayıb.

Mənbə əməliyyatda Əl-Həşduş Şəbi ilə Haşdi Əl-Aşayiri könüllü xalq qüvvələrinin də iştirak etdiyini bildirib.