Cümə, 18 Yanvar 2019 13:00

İmam Xomeyni(r.ə)-in Qorbaçova məktubunun otuzuncu ildönümü qeyd olunub

İmam Xomeyni(r.ə)-in Qorbaçova məktubunun otuzuncu ildönümü qeyd olunub

İran İslam Respublikasının banisi- İmam Xomeyni(r.ə)-in pak hərəminin məsul şəxsi deyib: İmam Xomeyni(r.ə)-in Qorbaçova məktubu dialoq yolunu göstərdi və bu məktub bütün tarixə bir xəbərdarlıqdır; yəni hər kəs Allahdan və mənəviyyatdan ayrılarsa, yolsuzluğa getmiş olacaqdır.

Höccətulislam vəlmuslimin Seyyed Həsən Xomeyni dünən axşam İmam Xomeyni(r.ə)-in Qorbaçova məktubunun otuzuncu ildönümünün qeyd olunduğu "Şərqin xeyirxahı" konfransında deyib: SSRİ indiki nəsil üçün tarixi bir addır, amma reallıq bundan ibarətdir ki, SSRİ öz zamanında bir fövqəlqüdrət idi.

İmam Xomeyni(r.ə)-in pak hərəminin məsul şəxsi əlavə edib: İmam Xomeyni(r.ə.) Qorbaçova məktubunda yolu yolsuzluqdan ayırd edərək, göstərməyə və şərq cəbhəsi və imperiyasını düz yola gətirməyə çalışdı.

Həzrət İmam Xomeyni(r.ə.) 1989-cu ilin ilk günündə kommunizmin ölümü və Qərbə söykənməkdən çəkinmə vacibliyi sahəsində SSRİ-nin birinci və sonuncu prezidenti Mixail Qorbaçova xitabən məşhur və tarixi məktubu yazdı.

Höccətulislam vəlmuslimin Seyyed Həsən Xomeyni həmçinin söyləyib: O zaman deyirdilər ki, "Varşava müqaviləsi" dağıldı və hazırda yeni Varşava da İran xalqına qarşıdır və mütləq məğlub olacaqdır.

Amerikanın dövlət katibi Mayk Pompeo yanvarın on birində 2019-cu il fevralın 13-ü və 14-də Polşanın paytaxtı-Varşavada İran mövzusunda iclasın keçiriləcəyindən xəbər verdi.

İran İslam Respublikası Xarici İşlər Nazirliyinin sözçüsü bu haqda belə deyib: Polşa Amerika dövlətinin təzyiqləri, vədləri və mənfi atmosfer yaratmasının təsiri altına düşərək, Ağ Ev-in anti-İran siyasətləri yolunda durubdur.

Bəhram Qasemi Polşada anti-İran konfransının keçirilməsinə münasibətdə, başqa bir ölkəyə qarşı belə bir konfransın təşkil edilməsini yanlış, beynəlxalq hüquq normalarına zidd və əsaslandırılmaz bir addım adlandırıb və belə əlavə edib: Amerika dövlətinin hazırkı başçılarının iranlılarla ziddiyyət keçmişi heç kəsə gizli deyil və bu konfransın hədəfləri, əldə olunmuş bəzi informasiyalara görə, tamamilə aydın və elə bu istiqamətdədir.

 

Şərh yaz


Məxfi kod
Yenilə