İranın xarici işlər naziri Məhəmməd Cavad Zərif ABŞ prezidenti Donald Trampın İranla bağlı açıqlamasına sərt reaksiya verib.

İRNA  xəbər verir ki, Zərif Twitter-dən verdiyi açıqlamasında belə deyib: “Nüvə müqaviləsi yenidən müzakirəyə açıq deyil”.

M.C.Zərif, Trampın nüvə müqaviləsinə qarşı siyasətini tənqid edərək, ABŞ-ı nüvə müqaviləsinin şərtlərinə sadiq qalmağa səsləyib.

İranın Xarici İşlər Nazirliyindən verilən açıqlamada isə belə qeyd olunub: “İran nə indi, nə də gələcəkdə müqavilə ilə bağlı heç bir dəyişikliyi qəbul etməyəcək”.

Zərif əlavə edib: “Yaxında ABŞ-a çox ciddi bir cavab veriləcək və bunun səbəbkarı da Amerikadır”.