Bazar ertəsi, 16 iyul 2018 16:38

Helsinkidə Tramp və Putin arasında görüş başlayıb

Helsinkidə Tramp və Putin arasında görüş başlayıb

Rusiya prezidenti Vladimir Putin və ABŞ prezidenti Donald Tramp görüşdən əvvəl mediaya qısa açıqlama ilə çıxış ediblər.

APA-nın Moskva müxbirinin xəbərinə görə, V. Putin amerikalı həmkarı ilə görüşməkdən məmnun olduğunu söyləyib. O, D. Trampla daimi təmaslarının davam etdiyini, telefonla danışdıqlarını və müxtəlif tədbirlər çərçivəsində bir neçə dəfə görüşdüklərini bildirib: “Əlbəttə ki, ikitərəfli münasibətlərimiz və dünyanın müxtəlif ağrılı məsələləri haqqında ətraflı danışmağın vaxtı çatıb, onların sayı kifayət qədər çoxdur”.

D. Tramp isə qeyd edib ki, ABŞ- Rusiya münasibətlərini yaxşılaşdırmaq şansı var: “Bütün dünya ABŞ və Rusiya arasında yaxşı münasibətlərin olmasında maraqlıdır".

D. Tramp rusiyalı həmkarı ilə ticarət, hərbi məsələlər, nüvə problemi və Çinlə münasibətlər barədə müzakirə aparacaqlarını söyləyib.

 

* * *

 

ABŞ prezidenti Donald Tramp ilə Rusiya prezidenti Vladimir Putin arasında çoxdan gözlənilən ikitərəfli görüş başlayıb.

 

Modern.az xarici mətbuata istinadən xəbər verir ki, bu tarixi görüşdə ABŞ-a ekstradisiya olunacaq 12 Rusiya vətəndaşı məsələsindən, Suriya məsələsinə kimi bütün məsələlərin müzakirəsi gözlənilir.

 

Görüş Finlandiya prezident sarayının qotik zalında keçiriləcək. əvvəlcə prezidentlər “Sarı zal”da şəkil çəkdirəcək və görüş üçün əsas zala keçəcəklər.

 

Görüş zamanı müzakirə olunacaq mövzuların sırasını prezidentlər özləri müəyyən edəcəklər.

 

ABŞ prezidenti Donald Tramp CBS kanalına müsahibəsində seçkilərə müdaxilədə ittiham olunacaq 12 Rusiya vətəndaşının ekstradisiyasını istəyəcəyini bildirib.

 

Ümumiyyətlə prezidentlərin Suriya münaqişəsi, İranın nüvə razılaşması, nüvə silahlarının və raketlərinin məhvi məsələləri və s kimi ciddi problemləri müzakirə edəcəkləri gözlənilir.

 

Qeyd edək ki, bu görüş heç bir forum, və ya sammit daxilində olmadan uzun illər sonra Rusiya və ABŞ prezidentləri arasında ikitərəfli formatda keçirilmiş tarixi bir görüşdür. Görüş kiçik heyətlə iki prezidentin birbaşa müzakirəsi formatında keçirilir.

Şərh yaz


Məxfi kod
Yenilə