Cümə axşamı, 04 Yanvar 2018 13:49

Azərbaycanlı deputat: İranda baş verənlər bu ölkənin daxili məsələləridir

Azərbaycanlı deputat: İranda baş verənlər bu ölkənin daxili məsələləridir

Yeni Azərbaycan Partiyası (YAP) İcra Katibliyinin Siyasi təhlil və proqnozlaşdırma şöbəsinin müdiri, Azərbaycan-İran parlamentlərarası əlaqələr üzrə işçi qrupunun üzvü deyib: İranda baş verən hadisələr onların daxili işidir. İran cəmiyyətinin kifayət qədər potensialı var ki, ölkəsinin problemlərini həll etsin.

İRİB-in Bakıdakı ofisinin verdiyi məlumata görə, Report.az informasiya agentliyi Aydın Mirzəzadənin İrandakı son hadisələr haqda fikrini öyrənib. Milli Məclisin deputatı İranın daxili işlərinə qarışmağı pisləyib və deyib: Biz hər hansı formada qonşu və dost ölkənin daxili işlərinə qarışmağın, bu və ya digər formada hansısa siyasi qüvvənin dəstəklənməsinin əleyhinəyik.

Mirzəzadə əlavə edib: Hakim Yeni Azərbaycan Partiyası İranın yaşanan problemlərdən qısa bir zamanda çıxacağına inanır. İran qədim dövlətçiliyə malik olan ölkədir, Azərbaycanla mehriban qonşuluq münasibəti var. Arzu edirik ki, İranda tezliklə vətəndaş həmrəyliyi və stabillik əldə edilsin.

YAP rəsmisi qeyd edib ki, İranda baş verənlər heç bir formada Azərbaycana təsir edə bilməz: “Biz qonşu ölkələr olsaq da, hər birimizin inkişafı fərqli mərhələlərdən keçib. Müstəqil olduğumuz 27 il ərzində bir-birimizin daxili işlərinə qarışmamışıq, eyni zamanda mehriban qonşuluq siyasəti üzərində münasibətlərimizi qurmuşuq.

Şərh yaz


Məxfi kod
Yenilə