Həzrət İmam Məhəmməd Təqi(ə) hicrətin 195-ci ili Zil-Qədə ayının sonlarında 25 yaşında Mötəsim Abbasinin göstərişi əsasında həyat yoldaşı Ümmül-Fəzl tərəfindən zəhərlənərək, şəhid edildi. O həzrətin məzarı əziz babası Həzrət İmam Musa Kazım(ə)-ın nurlu qəbrinin kənarında yerləşir.
İmam Məhəmməd Təqi(ə) 8 və ya 9 yaşında imamlıq məsuliyyətini öz üzərinə götürdü və təqribən 19 il imamlıq etdi. O həzrət şəhid edildikdə 25 yaşında idi.
Onun imamlıq dövrü zəmanəsinin ən amansız zülmkarları olan Məmun və Mötəsim Abbasinin xəlifəliyi dövrünə təsadüf edir. O həzrətin vaxtından əvvəl, gənc yaşlarında şəhid edilməsi bir daha sübut edir ki, İmam Məhəmməd Təqi(ə) İslam dəyərləri və mədəniyyətinin müdafiəsində zalım və zorakı hakimlər üçün nə qədər ciddi təhlükələr yaradırmış.