ƏDƏBİYYAT

ƏDƏBİYYAT (17)

Bazar ertəsi, 06 Avqust 2018 22:45

Ustad Şəhriyarın şagirdi doktor Əsğər Fərdi

Yazan

Təbrizli şair, ədib, tədqiqatçı və sənədli filmlər hazırlayan Əsğər Fərdi ürək dayanması nəticəsində əlli beş yaşında vəfat edib.

Təbrizli şair, ədib, tədqiqatçı və sənədli filmlər hazırlayan və Ustad Şəhriyarın şagirdlərindən olan Əsğər Fərdi dünən gecə Təbrizdəki ata evində ürək dayanması nəticəsində əlli beş yaşında vəfat edib.

Bu təbrizli ədəbi şəxsiyyət şer və ədəbiyyatdan tutmuş mədəniyyət və diplomatiyaya qədər müxtəlif sahələrdə müvəffəq və təsirli simalardan idi. Fərdi Arazın o tayındakı mədəniyyət mərkəzlərinin İranla dostluq şəbəkələrinin formalaşmasında böyük rol oynayıb və Ustad Şəhriyarın adının mehvər olması ilə qonşu ölkələrdə İransevərliyin yayılmasında böyük səylər göstəribdir.

Bu tanınmış yazar illər boyu Ustad Şəhriyarı müşayiət etməkdən əlavə, özündən bir çox səsli və yazılı əsərlər qoyubdur. Bunlara, "Safi Təbrizinin divanı"na düzəliş və onun nəşri, "Şəhriyar və İnqilab", "Təbriziyyat" və "Bizim qiyamımız" əsərlərini, həmçinin bir neçə səsli albomu misal çəkmək olar.

Bəlkə də mərhum Fərdinin ən mühüm işi, Ustad Şəhriyarı müşayiət etmək, Şəhriyarın ömrünün sonuncu on ilinin bəzi məşhur şerlərinin yaranmasında ilhamverici olmaq və əlbəttə ki, Şəhriyarın səsini yaşatmaq olubdur.

Mərhum Əsğər Fərdi şer yazmaqdan əlavə, media və sənədli filmlər hazırlamaq sahəsində də ölməz tədqiqat və nəsr əsərlərinə malikdir.

"17 Qafqaz şəhəri", "Xəzər" və "Sibirdəki iranlılar" kimi sənədli filmlər onun sənədli filmlərin hazırlanması sahəsindəki ölməz əsərlərindən sayılır.

Çərşənbə axşamı, 03 Aprel 2018 10:40

İmam Əli (ə) haqqinda şer - Hacı Ələmdar Mahir

Yazan

İmam Əli (ə) haqqinda şer - Hacı Ələmdar Mahir

İranlı yazıçı Fərhad Həsənzadə Hans Xristian Anderson mükafatına namizəd təqdim olunub.

İRNA-nın verdiyi məlumata görə, Hans Xristian Anderson mükafatı üçün seçilmiş yazıçı və rəssamlar bu gün 55-ci Buloniya kitab sərgisinin mətbuat konfransında təqdim olunacaq. 

Hans Xristian Anderson mükafatı portalı iranlı yazıçı Həsənzadənin təqdimatında belə yazıb: Fərhad Həsənzadə son 40 ildə iranlı uşaq və yeniyetmə ədəbiyyatında önəmli rola malik olub. 

O romanlar, hekayələr, əski nağılların yenidən yazılması, şerlər, bioqrafiya və çap edilmiş məqalələri ilə müxtəlif yaş qruplarında geniş avditoriyanı ədəbi əsərləri oxumağa təşviq etmişdir. 

Hans Xristian Anderson mükafatı uşaq və yeniyetmələr üçün hekayə və rəsm mövzusunda fəalyyət göstərən sənətkarları nəzərdə tutur. 

1974-cü miladi ilində iranlı rəssam Fərşid Misqali bu mükafata layiq görülmüşdü.

Türkiyənin İzmir şəhərində "İran kino həftəsi" keçirilir. Bu tədbir İzmirin Dokuz Eylül Universitetinin incəsənət departamenti ilə İranın İstanbuldakı konsulluğunun mədəniyyət attaşeliyi tərəfindən birgə şəkildə keçirilir.

İRNA-nın məlumatına görə, "İran Kino Həftəsi"nin açılış mərasimində çoxlu sayda insan iştirak edib. 

Dokuz Eylül Univeristetinin incəsənət departamentinin kino bölməsinin rəisi Zühal Çətin Özkan bu mərasimdə çıxış edərək, deyib: İzmirdə İran kino həftəsinin keçirilməsi ilə İran kinosunun incilərini müşahidə etmək üçün gözəl fürsət yaranıb. 

Dokuz Eylül Universitetiin incəsənət departamentinin dekanı professor Mümtaz Sağlam da bu mərasimdə çıxış edərək, İranın qədim sivilizasiyaya malik bir ölkə olduğunu xatırladıb və deyib: bu sivilizasiya özünü İran ədəbiyyatı və incəsənətində nümayiş etdirir. 

İran İslam Respublikasının İstanbuldakı konsulluğunun mədəniyyət attaşesi də bu mərasimdə çıxış edərək, Dokuz Eylül Universitetinin rəhbərliyinə belə bir tədbirin keçirilməsindəki əməkdaşlıqlarına görə təşəkkür edib və deyib: İran kinosu 120 illik bir keçmişə  malikdir. 

Martın birinə kimi davam edəcək İran kino həftəsində 6 film ekran ediləcək. "Salxım Söyüd", "Balığın ölümü", Tehran Tehran", "Sərçələrin Nəğməsi", "Bir diş qənd" və "Superstar" filmləri İzmirdə ekran ediləcək filmlərdir. Bu filmlər türk dilində səsləndiriləcək və ya alt yazı ilə nümayiş etdiriləcəklər. 

İslam ürfanı və ədəbi məqalələr məcmuəsi Azərbaycan Respublikasında "Kəşkül" adı altında kitab formasında çap olunub.

İRİB-in Bakıdakı nümayəndəliyinin məlumatına görə, İranın Azərbaycan Respublikasındakı səfirliyinin mədəniyyət attaşesi Əsğər Farsi bu xəbəri bildirərək deyib: Farscadan azərbaycancaya tərcümə olunan islam və ürfan məqalələri məcmuəsi 400 səhifədə "Kəşkül" adı altında 500 nüsxədə çap olunub.

O əlavə edib: Bu kitabda Nəsib Göyüşovun topladığı onlarla ədəbi və ürfan məzmunlu məqalələr vardır. Müxtəlif sahələrdə, o cümlədən fars dili və ədəbiyyatında çeşidli nəzəriyyələr və araşdırmalar oxucular və araşdırmaçılara təqdim olunur.

İran İslam Respublikasının Azərbaycan Respublikasındakı səfirliyinin mədəniyyət attaşesi deyib: "Bakı farsca əlyazma əsərlərinə baxış", "İran sivilizasiyasında ürfan mentalitetinin tanınması", "Mövlananın düşüncə və ideoloji cəhətlərinə baxış", "Azərbaycan Respublikası ədəbiyyatında fars dili və ədəbiyyatının təsiri", "İran ədəbiyyatı və mədəniyyətində işıq simvolunun cəhətlərinə baxış" bu kitabda dərc olunan məqalələrdir və tezliklə oxuculara təqdim olunacaq.

Şənbə, 20 Yanvar 2018 16:22

Od vurub qəlbimə 20 Yanvar - ŞEİR

Yazan

İçimdə bir mərəz, xəstəliyim var

 

Od vurub qəlbimə İyirmi Yanvar

 

O qanlı günləri xatırlayanda

 

Yaş gəlir gözlərdən biixtiyar

 

 

Sovet rejiminin sifarişiylə

 

Qəddar Qorboçovun göstərişiylə

 

Yerli əhaliyə divan tutuldu

 

Avtomat, pulemyot atəşi ilə

 

 

Atəşə tuş gələn, qoçaqlar da var

 

Qadınlar, qocalar, uşaqlar da var.

 

Zirehli tankların çarxları altda

 

Kəsilmiş ayaqlar, əllər də var

 

 

Azadlığın yolunu seçən xalqımız

 

Şəhadət şərbətin içən xalqimiz

 

Əlyalın, silahsız düşmənə qarşı

 

Öz şirin canindan keçən xalqimiz.

 

 

Nəzər sal Vətənin torpaq, daşına

 

Nə çox müsibətlər gəlib başına

 

O keçən günləri unutmaq olmaz

 

Tarixin həkk olub qan yaddaşina.

 

 

 

Rəşad Həsənli,

“Dəyərlər”in oxucusu

Çərşənbə, 27 Dekabr 2017 16:50

İmadəddin Nəsimi dən bir Qəzəl

Yazan


Ey eşqi-dürǝfşanım, vey bülbüli-bostanım,
Vey nǝrgisi mǝstanım, didarinǝ müştaqǝm.

Ey buyi-baharistan, vey huri-nigaristan,
Vey dilbǝri-sǝrmǝstan, didarinǝ müştaqǝm.

Ey dǝrdimǝ sǝn dǝrman, tǝn gövdǝ vü eşqin can,
Vey tazǝ güli-xǝndan, didarinǝ müştaqǝm.

Ey çeşmeyi-heyvanım, sǝnsiz nedir ǝhvalım
Vey şahimü sultanım, didarinǝ müştaqǝm.

Ey dilbǝri-pünhani, sǝnsiz nedǝrǝm canı,
Vey Yusifi-Kǝn'ani, didarinǝ müştaqǝm.

Ey hüsni bidayǝtsiz, vey lütfi nǝhayǝtsiz,
Vallah ki, beğayǝtsiz, didarinǝ müştaqǝm.

Ey dilbǝri-dildarım, sǝnsǝn ǝbǝdi yarım
Vey yari-vǝfadarım, didarinǝ müştaqǝm.

Ey çeşmǝyi-heyvanım, sǝnsiz olamaz canım,
Vey bǝhri-gühǝr kanım, didarinǝ müştaqǝm.

Ey dilbǝri simintǝn, sǝn canü Nǝsimi tǝn,
Vey sǝrvü gülü gülşǝn, didarinǝ müştaqǝm.


İmadəddin Nəsimi

Hz. Məhəmməd (s) haqqinda Haci Maildən bir qəzəl

 

Ya Məhəmməd, ya nəbi, ey bir adı Xeyrülbəşər,

 Olmasaydın derk qılmazdı şərü xeyrin bəşər.

 

Ey Salan heyrətlərə elmi, cahan alimlerin,

Baxma ki, elminden onlar agah olmuş müxtəsər.

 

Ol ki arifdir, bilir yetmez sene heç bir nebi

Ol ki cahildir, seni derk etmeyib, cehl eyleyer

 

Ol ki fazildir, biler mümkün deyil fezlinde behs

Ol ki qafildir, həsudindən sənə qılmaz nəzər.

 

Ol ki dostundur, nəbilikdə sənə iradı yox,

Ol ki düşmendir, senin haqqında söylər küfrlər.

 

Ol ki qabildir, senin ecazına inkarı yox,

Ol ki naqisdir, ona yeqin deyil «Şeqqül-qəmər»

 

Ya nəbi! Rehm et bu Mail ebdinə məhşer günü,

Olmasın ügbade əhvalı bu dünyadən beter.

Amerikanın Bruklin fotoşəkil festivalında iranlı fotoqraflar bu tədbirin müxtəlif bölmələrində uğurlara imza atıblar.

Fars informasiya agentliyinin verdiyi məlumata görə, FIAP fotoqrafiya federasiyasının və ABŞ fotoqraflar cəmiyyətinin birgə əməkdaşlığı ilə keçirilən bu tədbirdə iranlı fotoqraflar iki qızıl, iki gümüş, bir bürünc və 7 fəxri diplom qazanıblar. 

Bu festivala 243 iranlı fotoqraf qəbul edilib.

İranın tanınmış incəsənət xadimi Ustad Fəşçianın incəsənət əsərləri Naxçıvan Muxtar Respublikasında sərgilənib.

İRİB-in məlumatına görə, İran İslam Respublikasının Naxçıvandakı baş konsulu deyib: Ustad Fərşçianın incəsənət əsərləri sərgisində "Əsillik və Yenilik" adı altında 30 miniatür əsəri İran mədəniyyəti və incəsənəti ilə maraqlananlar üçün sərgilənir. 

İran İslam Respublkasının Naxçıvan Muxtar Respublikasındakı baş konsulu Mənsur Ayrım incəsənət xadimləri, mədəni və siyasi şəxsiyyətlərin iştirakı ilə keçirilən Ustad Fərşçianın incəsənət əsərləri sərgisində deyib: Ustad Fərşçianın mənəviyyatla dolğun əsərləri tarix boyu insan yaddaşlarında əbədiləşmişdir. 

Həmçinin Naxçıvan Muxtar Respublikası Rəssamlar Birliyinin sədr müavini Nizami Alıyev Ustad Fərşçianın mədəni şəxsiyyəti, Türkiyənin Naxçıvan Muxtar Respublikasındakı baş konsulu da Türkiyə, İran və Azərbaycan Respublikası xalqları arasında sülh, dostluq və tanışlıqda mədəniyyət və incəsənət əsərlərinin rolu haqqında danışıblar. 

Page 1 of 2